„სიდა“ არასამთავრობო ორგანიზაციებს შორის თანამშრომლობას აძლიერებს

29 May

საქართველოში არსებული არასამთავრობო ორგანიზაციები ერთმანეთში იშვიათად თანამშრომლობენ. ამასთან ერთად, ბევრი არასამთავრობო ორგანიზაცია საზოგადოებისათვის პრიორიტეტულ საკითხებზე არ მუშაობს, ამიტომაც ხალხს მათ მიმართ დიდი ნდობა არ გააჩნია. თბილისის გარეთ მოქმედი არასამთავრობო ორგანიზაციების ეფექტურობის და მოსახლეობის წინაშე მათი ანგარიშვალდებულების გაზრდის მიზნით „სამოქალაქო განვი-თარების ასოციაციამ“ („სიდა“) რეგიონალური სამოქალაქო საზოგადოების რეგიონალური ქსელი (R-CSN) ჩამოაყალიბა, რომელიც საქართველოს 11 რეგიონში არსებულ 40 არასამთავრობო ორგანიზაციას აერთიანებს.

„არასამთავრობო ორგანიზაციები უნდა ეცადონ მოსახლეობასთან, თავიანთ ბენეფიციარებთან, კომუნიკაციის ახალი არხები შექმნან,“-განაცხადა „სიდას“ აღმასრულებელმა დირექტორმა ზვიად დევდარიანმა,-„სექტორის მიმართ ნდობა და ცნობადობა მხოლოდ იმ შემთხვევაში გაიზრდება, თუ პრინციპულად შე-იცვლება სამოქალაქო ორგანიზიაციების საქმიანობის მოდელები“.

Zviad Devdariani, Executive Director of CiDA, discusses the results of research conducted by R-CSN, a network of 40 regional CSOs in Georgia. The research found that the priority issues for Georgians living outside of Tbilisi are healthcare, agriculture, education, and political instability. R-CSN members will use their research to inform decision makers and as a basis for their future advocacy efforts. ზვიად დევდარიანი, CiDA-ს აღმასრულებელი დირექტორი, წარადგენს R-CSN-ს მიერ ჩატარებული კვლევის შედეგებს. R-CSN-ი 40 რეგიონალური არასამთავრობო ორგანიზაციისაგან შექმნილი ქსელია. კვლევა, რომელიც ერთობლივად განახორციელეს ქსელში შემავალმა ორგანიზაციებმა, ცხადჰყოფს, რომ თბილისის გარეთ მცხოვრები მოსახლეობისათვის მთავარი პრიორიტეტები ჯანდაცვა, სოფლის მეურნეობა, განათლება და პოლიტიკური არასტაბილურობაა. კვლევის შედეგებს ქსელის წევრები ადვოკატირების კამპანიების დასაგეგმად და გადაწყვეტილების მიმღებთა ინფორმირებისათვის გამოიყენებენ.

ზვიად დევდარიანი, CiDA-ს აღმასრულებელი დირექტორი, წარადგენს R-CSN-ს მიერ ჩატარებული კვლევის შედეგებს. R-CSN-ი 40 რეგიონალური არასამთავრობო ორგანიზაციისაგან შექმნილი ქსელია. კვლევა, რომელიც ერთობლივად განახორციელეს ქსელში შემავალმა ორგანიზაციებმა, ცხადჰყოფს, რომ თბილისის გარეთ მცხოვრები მოსახლეობისათვის მთავარი პრიორიტეტები ჯანდაცვა, სოფლის მეურნეობა, განათლება და პოლიტიკური არასტაბილურობაა. კვლევის შედეგებს ქსელის წევრები ადვოკატირების კამპანიების დასაგეგმად და გადაწყვეტილების მიმღებთა ინფორმირებისათვის გამოიყენებენ.

R-CSN-მა, რომელიც 2012 წლის ბოლოს ჩამოყალიბდა, საქართველოს რეგიონებში არსებული პრობლემების გამოსაკვეთად კვლევა ჩაატარა. კვლევა 10 რეგიონს მოიცავდა: ქვემო ქართლი, სამცხე-ჯავახეთი, კახეთი, იმერეთი, სამეგრელოზემო სვანეთი, რაჭა-ლეჩხუმი, შიდა ქართლი, გურია, აჭარა და მცხეთა-მთიანეთი. R-CSN-ის წევრი ორგანიზაციები უშუალოდ იყვნენ ჩართულნი კვლევის მეთოდოლოგიის შერჩევის პროცესში, თავად გაუკეთეს ორგანიზება ფოკუს-ჯგუფების შეხვედრებს და კითხვარების შევსებას. საბოლოო ანგარიშის მომზადების შემდეგ კი კვლევის შედეგები მედიასა და საზოგადოებას წარუდგინეს.

R-CSN-ის კვლევამ აჩვენა, რომ თბილისის გარეთ მცხოვრები საქართველოს მოსახლეობისათვის ყველაზე მწვავე პრობლემა ჯანდაცვაა, რაც ჯანმრთელობის დაზღვევას, პირველადი დახმარების ხელმიუწვდომლობასა და არასათანადო ხარისხის სამედიცინო უზრუნველყოფის მოიცავს. მოსახლეობამ შემდეგ სამ პრიორიტეტად სოფლის მეურნეობა (აღჭურვილობა-დანადგარების ხარისხი, პესტიციდების ნაკლებობა, პროდუქციის გასაღების ბაზრის ხელმიუწვდომლობა), განათლება (სკოლამდელი და ზოგადი განათლების დაბალი ხარისხი და ინფრასტრუქტურა) და პოლიტიკური არასტაბილურობა დაასახელა.

„ეს კვლევა ქსელის წევრი ორგანიზაციების თანამშრომლობის კარგი მაგალითია,“- ხაზი გაუსვა ბატონმა ზვიადმა -„ უკვე მიღებული გამოცდილება, კარგი ფასილიტაციის პირობებში, ვფიქრობ, შესაძლებელს გახდის გამოვლე-ნილი პრობლემების მოგვარების გრეძლავდიანი და მოკლევადიანი სტრატე-გიები შემუშავდეს და განხორციელდეს.“

R-CSN members present their research to the media, donor organizations, and the general public.

R-CSN-ი კვლევის შედეგებს წარდგენა მედიის, დონორი ორგანიზაციებისა და ფართო საზოგადოებისათვის.

ქსელი გეგმავს კვლევის შედეგებისა და ზოგადად რეგიონული პრობლემების შესახებ ინტერესთა ჯგუფების ინფორმირებასა და მათთან შეხვედ-რებს. იგეგმება შეხვედრები პრემიერ-მინისტრის მრჩევლებთან, პარლამენტის წევრებთან და თანამშრომლობის მემორანდუმის გაფორმება რეგიონული განვი-თარებისა და ინფრასტრუქტურის სამინისტროსთან. ასევე, ქსელის წევრი ორგა-ნიზაციები, კვლევის შედეგებზე დაყრდნობით, მოამზადებენ სააპლიკაციო ფორმებს და წარუდგენენ დონორ ორგანიზაციებს, რათა საკუთარი წვლილი შეიტანონ პროექტების მოგვარებაში.

„სამოქალაქო განვითარების სააგენტომ“ „სამოქალაქო საზოგადოების რეგიონალური ქსელი“ EWMI G-PAC-ის მხარდაჭერით ჩამოაყალიბა.